NewsUz.Com. Dunyo futbol hakamlari faoliyatini baholab boradigan Worldreferee.com sayti o‘zbekistonlik FIFA referisi Ravshan Ermatovni 2011 yilning "Eng yaxshi hakami" deb e'lon qildi. U 100ga yaqin hakam orasidan eng yaxshi deb topilgan.

NewsUz.Com. Rossiya va Ukrainada ishlab chiqarilgan yangi avtomobilni maxsus savdo shaxobchasidan sotib olgan O'zbekiston fuqarosi respublika yo‘l jamg‘armasi yig‘imidan ozod etiladi. Norma.uz xabariga ko‘ra, mazkur tartib 2012 yilning 1 yanvaridan kuchga kirgan.

NewsUz.Com. O'zbekistonda 2012 yilning 1 fevralidan turar-joyini shartnomasiz ijaraga bergan fuqarolar jarimaga tortiladi. O'zbekiston Ma'muriy javobgarlik to‘g‘risidagi kodeksiga kiritilgan o‘zgartirish shuni nazarda tutadi.

NewsUz.Com. Toshkentda yo‘l harakati xavfsizligi xizmati videoradar ishlata boshlagan. Raqamli uskuna tezlikni me'yordan oshirish holatini aniqlaydi. Videoqurilma yo‘l harakati xavfsizligi avtomobilining old oynasiga o‘rnatiladi va noutbukka ulanadi.

NewsUz.Com. 2012 yilning 1 yanvaridan O'zbekistondagi ommaviy axborot vositalari va nashriyotlar ijtimoiy-siyosiy hamda bolalar adabiyotini, imkoniyatlari cheklangan shaxslar uchun nashrlarni sotishdan olingan foydadan foyda solig‘i to‘lamaydi. Bu borada mamlakat prezidenti qarori e'lon qilingan.

NewsUz.Com. 27 dekabr kuni Buxoro viloyati hokimi Samoydin Husenov lavozimidan bo‘shatilgan. Uzmetronom nashri xabariga ko‘ra, xalq deputatlari Buxoro viloyati kengashi yig‘inida ishtirok etgan bosh vazir Shavkat Mirziyoev hokimning vakolatini muddatdan oldin tugatishni taklif qilgan.

NewsUz.Com. Surxondaryo viloyati Sherobod tumani davlat soliq inspeksiyasi boshlig‘i Xalil Normamatov poraxo‘rlik va lavozimini suiiste'mol qilishda aybdor deb topilgan. Soliq idorasi rahbari vaqti-vaqti bilan tumandagi tadbirkorlardan pul va mahsulot shaklida "o‘lpon" yig‘ib turgan.

NewsUz.Com. 25 dekabrdan O'zbekistondagi oziq-ovqat do‘konlarida shakar bahosi 1600 so‘mga arzonlagan. Ayni paytda bir kilogramm shakar 3200 so‘mdan sotilmoqda. Oxirgi paytlarda kundalik iste'mol savatiga kiruvchi ushbu mahsulot bahosi keskin oshgandi. 

NewsUz.Com. O'zbekiston Milliy xavfsizlik kengashi kotibi, general Murod Otaev o‘rnini mamlakat mudofaa vazirining birinchi o‘rinbosari Bahodir Toshmatov egallagan. Uzmetronom nashri xabariga ko‘ra, mamlakat prezidenti Islom Karimov shunday farmon qabul qilgan.

NewsUz.Com. Jinoyat ishlari bo‘yicha Namangan shahar sudi  26-mehribonlik uyi direktori Sohibaxon Hamroqulovani soxta hujjatlar orqali 16 million so‘mdan oshiq mablag‘ni o‘zlashtirishda aybdor deb topgan. Sud hukmiga ko‘ra, aslida ishlamagan 50 nafar xodim uchun soxta tabel yuritilgan.

NewsUz.Com. Rossiya va O'zbekiston rasmiy doiralari ikki mamlakatda migratsiya xizmati vakolatxonalari ochish ustida muzokara olib bormoqda. Rossiyaning O'zbekistondagi elchisi Vladimir Tyurdenev Toshkentda jurnalistlar bilan uchrashuvda bu haqda ma'lum qilgan.

NewsUz.Com. Toshkent shahar elektr tarmoqlari idorasi ta'lim muassasalariga noyabr, dekabr, yanvar va fevral oylari ichida elektr energiyasini 30 foizga chegirish haqida ko‘rsatma bergan. Bu esa qish mavsumida elektr energiyasiga talab oshishi bilan izohlangan.